2.5. Суд-ҳуқуқ тизимида қонунийликни янада мустаҳкамлаш
| Т/р | 116 |
|---|---|
| Амалга ошириладиган тадбир | Судьялик лавозимларига номзодларни қайта тайёрлаш, судьялар малакасини ошириш тизимини янада такомиллаштириш. |
| Бажариш муддати | 2017 йил II чорак |
| Ижро учун масъуллар | Адлия вазирлиги, Олий малака комиссияси, Олий суд, Олий хўжалик суди, ОваЎМТВ, Молия вазирлиги |
| Сарф-харажатлар (млн. сўм) | - |
| Молиялаштириш манбалари | - |
| Тақдим этиладиган ҳужжат шакли, амалга ошириш механизми, кутилаётган натижа | Хорижий амалиёт ва халқаро стандартлардан келиб чиққан ҳолда ўқиш ва амалиёт ўташ даврини узайтириш орқали судьяликка номзодларни тайёрлашга янги талаблар қўйилади. Шунингдек, суд амалиётининг долзарб масалаларини муҳокама қилиш бўйича мунтазам равишда тадбирлар ўтказиш шаклида судьяларнинг малакаси оширилади. |
Ўзбекистон Республикаси
Ягона интерактив давлат
Очиқ маълумотлар портали
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
© 2015 - 2024
Ўзбекистон Республикаси норматив ҳуқуқий ҳужжатларнинг муҳокамаси
Изоҳлар ва уларга берилган жавоблар
Билдирилган таклифингиз суд-ҳуқуқ қонунчилигини янада такомиллаштириш доирасида кўриб чиқилади.
Судья кадрларнинг малакасини ошириш шу жумладан, судьяликка номзодларни қайта тайёрлаш Ўзбекистон Республикаси Адлия вазирлиги ҳузуридаги Юристлар малакасини ошириш марказида амалга оширилмоқда. Бу нафақат давлат ҳокимиятининг бўлиниши тамойилига зид бўлиб қолмай, балки бугунги кунда суд-ҳуқуқ тизимини ислоҳ қилишнинг замонавий талабларига ҳам мос келмайди. Шу боис хорижий давлатларнинг илғор тажрибасини инобатга олиб, алоҳида ихтисослашган мустақил муассаса сифатида Одил судлов Академиясини ташкил этиш мақсадга мувофиқ. Шу боис бундай суд инфратузилмасининг вужудга келиши мамлакатимизда суд таълимини ривожлантиришда янги тарихий босқични бошлаб беради. Одил судлов Академиясининг ҳуқуқий мақомини белгилаб, унинг фаолият юритиши учун шарт-шароит яратилиши суд таълими борасидаги ислоҳотларни сифат ва мазмун жиҳатдан тамомила янги шаклда амалга ошириш имкониятини яратади. Чунки бундай алоҳида муассасаларга мисол қилиб, АҚШ федерал судьялик мактаби, Франция магистратура миллий мактаби, Нидерландия судьяларни ўқитиш маркази, Испания судьялар мактаби, Португалия судьяларни ўқитиш маркази, Германия судьялар академияси, Россия, Қозоғистон каби давлатларда одил судлов академияси, Таиланд судьялар малакасини ошириш маркази кабиларни келтириш мумкин.
Таклиф Дастурни амалга ошириш жараёнида кўриб чиқилади.
Судьяликка илк бор тайёрланаётган номзодларни ўқитиш учун амалдаги 3 ойлик курсларни 1 йил этиб белгилаш лозим. Бунда 4 ойдан кам бўлмаган муддат назарий тайёргарлик учун, тегишли судларда стажировка ўташ эса, 8 ой этиб белгилаш лозим. Якуний имтихонларидан етарлича балл тўплаган тингловчиларни судьяликка тавсия этиш амалиётини жорий этиш мақсадга мувофиқ. Энг муҳими, фақатгина судьялик лавозимига тайинлаш учун ҳар томонлама муносиб номзодлар танлов асосида танланиб олганидан сўнггина ўқишга жалб этилиши лозим.
Таклиф Дастурни амалга ошириш жараёнида кўриб чиқилади.
Мазкур масалани муҳокама қилинганда номзодларнинг моддий таъминотини ҳам эътибордан четда қолдириш керак эмас. Номзодликка топширганлар асосан оилалидир. Бир йил мобайнида ўқиётган номзодларга тегишли стипендиялар жорий этишни ҳам кўриб чиқиш зарур.
Таклиф Дастурни амалга ошириш жараёнида кўриб чиқилади.