Система оценки воздействия актов законодательства

2.1. Суд ҳокимиятининг чинакам мустақиллигини таъминлаш, суднинг нуфузини ошириш, суд тизимини демократлаштириш ва такомиллаштириш

Т/р	57
Амалга ошириладиган тадбир	Судья лавозимида бўлишнинг илк маротаба беш йиллик, кейин ўн йиллик муддатини ва шундан сўнг муддатсиз даврини белгилаш.
Бажариш муддати	2017 йил I чорак
Ижро учун масъуллар	Олий малака комиссияси, Олий суд, Олий хўжалик суди, Конституциявий суд, Бош прокуратура, Адлия вазирлиги
Сарф-харажатлар (млн. сўм)	-
Молиялаштириш манбалари	-
Тақдим этиладиган ҳужжат шакли, амалга ошириш механизми, кутилаётган натижа	“Ўзбекистон Республикасининг айрим қонун ҳужжатларига ўзгартиш ва қўшимчалар киритиш тўғрисида”ги қонун лойиҳаси. Ушбу ўзгартишлар суд ҳокимиятининг чинакам мустақиллигини таъминлашга, суд тизимида етук ва профессионал судьялик корпусининг шаклланишига, суд ҳокимиятини бошқа ҳокимият органлари таъсиридан холи бўлишига хизмат қилади.

Изоҳлар ва уларга берилган жавоблар

Салиев Козимбек Шухратович19.01.2017 06:59

Судьялик лавозимига илк маротаба тайинланаётканлар ёши 35 ёшдан кам бўлмаган ҳолда бўлиши зарур. 35 ёшга тўлган шахс Судьяликка тайинланишидан аввал суд тизимида олий ўқув юртини битиргач узлкусиз котиб, суд ижрочиси ёки судья маслахатчиси вазифаларида ишлаши зарур. Судьялик лавозимига фақат суд тизимида ишлаган шахсларни тайинлаш зарур. Прократура, нотариал идоралари, ФХДЁ идораси, банк, ва бошқа давлат ташкилотлари қошида хуқуқшунос лавозимида ишлаган шахсларни умуман Судьяликка қабул қилмаслик зарур. Суд тизимда ишламай бошқа бир давлат ташкилотида ишлаган хуқуқшунос шахсларни Судьяликка тайинланиши Суд тизимда коррупция, ўзаро таниш билишчилик, шунингдек Суд тизимда ишламай Судьялик лавозимига тайинланган Судьяларнинг чиқарётган сифатсиз қарорларидан жамият томонидан Ҳукуматга ва Суд тизимга ишончи ёқолади.

Рад этилди20.01.2017 04:44

2014 йил январдан буён илк бор судьяликка тайинланиш учун 30 ёшга тўлиш (илгари - 25 ёш) талаб қилинади ва бу халқаро тажрибага ҳам мувофиқ келади, шунингдек ҳозирда ижобий самарасини кўрсатмоқда. Судьяликка номзодлар фақат суд ижрочиси, суд котиби лавозимида ишлаш талабини белгилаш бу соҳада халқаро стандартларга, Ўзбекистоннинг халқаро мажбуриятларига зид бўлади. Бундан ташқари ҳуқуқни муҳофаза қилувчи органларда ишлаган шахслар орасидан судьяликка номзод танланиши судга тажрибали мутахассисларни жалб этишга хизмат қилади. Суд тизимида коррупция ва таниш-билишчиликни олдини олиш бўйича эса лойиҳада бир қатор бошқа чоралар, хусусан судьялар ва суд раислари ротациясини жорий этиш, назарда тутилган.

Салиев Козимбек Шухратович19.01.2017 07:14

Хар бир соҳа вакилларини ўз байрам кунлари бор, шу муносабат билан 7- декабрни Судьялар куни деб белгиланишини таклиф қиламан.

Қабул қилинди27.01.2017 17:09

Мазкур соҳадаги конунчиликни такомиллаштириш доирасида таклифда баён этилган масала кўриб чиқилади.

Erkinjon Sabirov19.01.2017 07:46

Салиев Козимбек Шухратовичнинг фикрига тўлиқ қўшилган ҳолда, илк бор судьялик лавозимига тайинланадиган шахсларни асосан суд тизимида ишлаган ходимлар орасидан танланиши, судья бўлишни хохлайдиган олий юридик маълумотли кадрларни судда ишгашга ундайди, бу билан судларда олий маълумотли кадрлар янада кўпаяди деган фикрдаман.

Рад этилди27.01.2017 20:16

Билдирилган таклифларигиз маъмурий ислоҳотлар билан боғлиқ, бу соҳага тааллуқли эмас.

Muminov Bekzod Artikovich20.01.2017 11:22

Вилоят , Шахар, Туман Суди раиси ваколатини кайта куриб чикиш зарур. Купчилик Судялар асосан Раисни курсатмаси асосида хукм ёки ажрим чикарадилар. Судяларни бир пайтда хам мустакил хам объектив одилона хукм ёки ажрим чикариш системасини яратиш керак. Терговчи , суриштирувчи , ёки бошка шахсларнинг судгача чикарилган карорини Судялар нусхасини Ажрим карор ёки Хукм куринишида чоп этишади. Хатто дастлабки терговда ёзилган орфографик хатолар Суд Хукмида такрорланади. Бу дегани судялар Терговчи ёзган малумотини флешкага кучириб Тагига фамилиясини куйиб хукм чикариш дегани!

Қабул қилинди22.01.2017 07:24

Дастурнинг 58, 65, 68-бандларида сиз кўрсатган муаммолар ечими бўйича чоралар назарда тутилган.

Абдураимов Расул Соипжонович22.01.2017 13:04

Muminov Bekzod Artikovichнинг фикрига тўлиқ қўшиламан. Терговда қандай бўлган бўлса шундай якун топмоқда Судьяларнинг ўз фикрига эга эмаслиги яққол кўриниб қолмоқда. Судьялар мустақил эмас. Айниқса баъзи бир ташкилот томонидан тайёрланган жиноят иши 200% фоизлик кўрсаткич беради у идора билан судьялар хам "хазиллашишни" хохлашмайди

Қабул қилинди24.01.2017 16:57

Дастурнинг 58, 65, 68-бандларида сиз кўрсатган муаммолар ечими бўйича чоралар назарда тутилган.

Abduraxmonxojayev Jamoliddin Xusanxon o`g`li28.01.2017 14:39

Суд тизимида коррупция ва таниш-билишчиликни олдини олиш бўйича Дастур лойиҳасида бир қатор зарур чоралар кўриш белгиланган. Хусусан, судьялар ва суд раислари ротациясини жорий этиш, назарда тутилмоқда. Бироқ халқаро андозаларда ва хорижий ва миллий суд қонунчилигида судьялар алмаштирилмаслиги бу улар мустақиллигининг муҳим принципи эканлиги эътироф этилган. Бизнингча, юқоридаги халқаро андозаларда ва суд қонунчилигида белгиланган талабларга сўзсиз риоя этиш учун судьялар ва суд раислари ротациясини улар розилиги асосида амалга ошириш тартибини Ўзбекистон Республикасининг "Судлар тўғрисида"ги Қонунида қатъий мустаҳкамлаш зарур. Бу эса ўз навбатида, улар мустақиллигини таъминлашнинг муҳим кафолати бўлиб ҳисобланади.

Қабул қилинди05.02.2017 10:19

Таклифингиз Дастур ижроси давомида инобатга олинади.

Abduraxmonxojayev Jamoliddin Xusanxon o`g`li28.01.2017 14:53

Дастурда судья лавозимида бўлишнинг илк маротаба беш йиллик, кейин ўн йиллик муддатини ва шундан сўнг муддатсиз даврини белгилаш назарда тутилмоқда. Бизнингча, судьяларни юқорида қайд этилган ваколат муддатларига қолдиришда судлар, судьялар ва суд раислари фаолиятини баҳолашнинг ҳар томонлама самарали ва шаффоф мезонлари ва кўрсаткичлари (механизмлари)ни ишлаб чиқиш талаб этмоқда. Бундай баҳолашдан муваффақиятли ўтган судьялар ва суд раислари навбатдаги ваколат муддатига тайинланиши ёки сайланиши мақсадга мувофиқ.

Рад этилди05.02.2017 10:23

Судьялар фаолиятини баҳолаш бўйича мезонлар Судьяликка номзодларни танлаш ва тавсия этиш бўйича Олий малака комиссияси томонидан тасдиқланиб, қўлланиб келинмоқда. Бу мезонлар асосида ўтказиладиган баҳолаш натижаси бўйича судьяга билими ёки малакасини ошириш бўйича тавсия берилиши, уларни малакасини ошириш ташкил этилиши мумкин. Таклифингиз эса судьянинг мустақиллигига салбий таъсир кўрсатиши мумкин.