Ҳурматли муҳокама иштирокчилари!
"Ўзбекистон Республикасини янада ривожлантириш бўйича ҳаракатлар стратегияси тўғрисида" Ўзбекистон Республикаси Президентининг Фармони лойиҳаси муҳокамаси бўйича таклифларни қабул қилиш муддати жорий йилнинг 28 январь куни соат 18-00да якунланди.

2.1. Суд ҳокимиятининг чинакам мустақиллигини таъминлаш, суднинг нуфузини ошириш, суд тизимини демократлаштириш ва такомиллаштириш

Т/р61
Амалга ошириладиган тадбирСудларни янада ихтисослаштириш, суд аппаратини мустаҳкамлаш.
Шу жумладан:
хўжалик судлари тизимида минтақавий апелляция судларини ташкил этиш;
фуқаролик, жиноят ишлари бўйича судлар ва хўжалик судларининг ваколатларини қайта кўриб чиқиш йўли билан маъмурий судларни ташкил этиш;
судлар тизимида судья ёрдамчиси лавозимини таъсис этиш бўйича таклифлар тайёрлаш (асосан умумий штат бирлиги доирасида).
Бажариш муддати    2017 йил
I чорак 2017 йил
III чорак     2017 йил
III чорак
Ижро учун масъулларОлий суд,
Олий хўжалик суди,
Бош прокуратура,
Адлия вазирлиги,
Молия вазирлиги
Сарф-харажатлар (млн. сўм)-
Молиялаштириш манбалари-
Тақдим этиладиган ҳужжат шакли, амалга ошириш механизми, кутилаётган натижаҚонун ҳужжатлари лойиҳалари.
Ушбу чоралар хўжалик, биринчи навбатда, маъмурий ишларни кўриб чиқиш сифатини оширишга, судьяларни одил судлов билан бевосита боғлиқ бўмаган вазифалардан озод қилишга хизмат қилади.

Изоҳлар ва уларга берилган жавоблар

Erkinjon Sabirov19.01.2017 07:09
Судьялик лавозимларига илк бор тайинланадиган номзодлар заҳирасини асосан суд аппарати ходимларидан, хусусан, судья ёрдамчиси лавозимларида ишлаган ходимлар орасидан шакллантириш, суд аппарати ходимларининг назарий билимлари ва амалий иш кўникмаларини ҳисобга олган ҳолда судьялик лавозимларига тайинлашда уларга эътиборни кучайтириш.
Қабул қилинди27.01.2017 18:08

Мазкур соҳадаги конунчиликни такомиллаштириш доирасида таклифда баён этилган масала кўриб чиқилади.

Салиев Козимбек Шухратович19.01.2017 07:46
Фуқаролик ишлари бўйича туманлараро судларини хар бир туманга ўтказиш зарур. Хозирги кунда фуқаролик ишлари бўйича судларда хар бир туман Судьяси томонидан кунига камида 15та, вилоят ва шахар фуқаролик ишлари Судьялари томонидан кунига камида 25 тадан аппеляция ишлари кўрилади. Бу эса Судья томонидан иш кўриш жараёнида кескин Судья соғлигига ва кўрилаётган ишнинг сифатига таьсир ўтказади. Агарда туман, вилоят ва шахар туман судларида бўш Судьялик штатлари мавжуд бўлса иш кўриш жараёни янада қийинлашади.
Қабул қилинди20.01.2017 04:51
Лойиҳада Олий ва Олий хўжалик судларини бирлаштириб, қуйи судларни ихтисослашувини қайта кўриб чиқиш масаласини ўрганиш ва таклиф киритиш, шунингдек маъмурий судларни ташкил этиш бўйича тегишли бандлар назарда тутилган. Таклифингиз мазкур масалалар жараёнида ҳисобга олиниши мумкин.
Салиев Козимбек Шухратович20.01.2017 07:23
Мамурий судларни тузилиши фақатгина Жиноий судлар ишини енгиллаштиради, Фуқаролик судлари ишларини енгиллаштирмайди. Энг тўғри қарор Фуқаролик ишлари бўйича суд хар бир туманда ташкил этилиши зарур. Молиявий жихатдан Фуқаролик судлари ундирилаётган давлат божи эвазига тўлиқ ўзларини таминлай олсалар керак.
Маълумот учун27.01.2017 18:11

Дастурнинг 61-бандида судларни янада ихтисослаштириш, суд аппаратини мустаҳкамлаш, шу жумладан жиноят ишлари бўйича судлар ва хўжалик судларининг ваколатларини қайта кўриб чиқиш назарда тутилган. Шу боис, таклифингиз ушбу бандни ижросини таъминлаш жараёнида кўриб чиқилади.

Azamat Kurultaev25.01.2017 11:24
Тақдим этиладиган ҳужжат шакли, амалга ошириш механизми, кутилаётган натижа қисмидаги "бўмаган" сўзини "бўлмаган" сўзига алмаштириш мақсадга мувофиқ.
Қабул қилинди26.01.2017 01:31
Эътиборингиз учун рахмат.