Система оценки воздействия актов законодательства

3.1. Макроиқтисодий барқарорликни мустаҳкамлаш ва иқтисодий ўсиш суръатларини сақлаб қолиш

Т/р	135
Амалга ошириладиган тадбир	Бюджет харажатларини янада оптималлаштириш, шаҳарлар ва туманларнинг субвенцияланишини камайтириш, фискал номарказлаштириш жараёнларини чуқурлаштиришга қаратилган норматив-ҳуқуқий ҳужжатлар лойиҳаларини ишлаб чиқиш.
Бажариш муддати	2017 йил I чорак
Ижро учун масъуллар	Иқтисодиёт вазирлиги, Молия вазирлиги, ДСҚ, ТИАИСВ, Давлат рақобат қўмитаси, ҚР Вазирлар Кенгаши, вилоятлар ва Тошкент шаҳар ҳокимликлари
Сарф-харажатлар (млн. сўм)	-
Молиялаштириш манбалари	-
Тақдим этиладиган ҳужжат шакли, амалга ошириш механизми, кутилаётган натижа	Норматив-ҳуқуқий ҳужжатлар лойиҳалари. Лойиҳаларда қуйидагилар акс эттирилади: бюджет харажатларини янада оптималлаштириш, маҳаллий бюджетлар тасарруфида қоладиган солиқлар ва мажбурий тўловларнинг рўйхати ва миқдорини қайта кўриб чиқиш орқали шаҳарлар ва туманларнинг субвенцияланишини камайтириш; маҳаллий давлат ҳокимияти органларининг минтақалар маблағларини бошқариш бўйича мустақиллигини оширган ҳолда фискал номарказлаштириш жараёнларини чуқурлаштириш.

Комментарии и ответы

Абдураимов Расул Соипжонович22.01.2017 08:34

Махаллий бюджет даромад манбаига Республика "йўл фондига йиғилаётган маблағларни киритишни таклиф қиламан. туманлардан йўл фондига милиардлаб маблағлар тушаётгани билан асфальт йўлнинг ўзи қолмади айниқса махаллий ахамиятга эга йўллар. Мина майдони деса хам бўлади." қисқаси "Плотим налоги а где дороги ?"

Для информации28.01.2017 16:06

Йўл жамғармаси маблағлари ҳудудлараро ва халқаро йўлларни таъмирлаш учун ишлатилади. Маҳаллий аҳамиятга эга йўллар маҳаллий бюджет томонидан таъмирланади.

Бобохолов Сайфиддин Холмуродович23.01.2017 17:11

Агар мумкин бўлса I ва II гуруҳ харажатларини молиялаштиришни тўлиқ республика бюджети маблағлари ҳисобига қилиш керак. Ҳозир мактаб, мактабгача таълим муассасаси, тиббиёт бирлашмаси ходими иш ҳақисини ой охирида олса, коллеж, лицей ва бошқа республика бюджети ташкилоти ой бошида олади. Шу сабабли одатда маҳаллий бюджетга қарайдиган ташкилотлар аванс ҳам деярли олинмайди. Бу орқали эса жуда кўп нормативлар қўпол равишда бузилади, хусусан, Меҳнат кодексида ходимларга иш ҳақи тўлаш бир ойда камида икки марта бўлиши кераклиги белгилаб қўйилган. Шунингдек, бу орқали тегишли ҳудудни ижтимоий-иқтисодий ривожлантириш фақат IV гуруҳ харажатлари ҳисобига бўлиб, тегишли маҳаллий давлат ҳокимиятларининг ишлаши ҳам аниқ кўринарди. Уларнинг ҳаракати ишчи-ходимларнинг иш ҳақининг олиш муддатларига ҳам таъсир қилмасди.

Отклонено28.01.2017 16:07

Бюджет кодексида ушбу ҳолат назарда тутилмаган

Mahmudov Zuhriddin Bahodirovich24.01.2017 12:18

Kecha-yu kunduz tinim bilmay ishlab millionlab pul topayotganlar (Masalan: taksistlar,kichik kichik do'konchalar, aholiga ichimlik suvini tashib yetkazib beruvchilar) davlatga 1 tiyn ham soliq to'lashmayapti. Ularni barchasini soliqqa tortish kerak. Soliq to'lash tizimi, uning foydali tomonlari haqida tushuntirish ishlari olib borish kerak. Takror aytaman Nazorat qiluvchi organlarni tartibga olmay turib hukumat ko'zlagan maqsadiga yetisholmaydi. Ushbu organlar qachon o'z vazifasini to'liq ado etishga kirishsa shundagina biror natija bo'ladi deb umid qilish mumkin.

Отклонено06.02.2017 12:45

Таклиф асосланмаган.

Салиев Алишер Зафарович24.01.2017 14:12

ККС ва Акциз солигини Республика Бюджетига, колган барча солик ва йигимларни эса махаллий бюджетларда колдириш керак. Йул фондига ажратмаларни хам озрок кисмини Республикага, купрок кисмини махаллий бюджетга бериш керак. Шунда хар бир худуд уз имкониятларидан келиб чикиб ривожланади. Керак булса бир вилоятда укитувчи 1000 сум ойлик олса, иккинчи ривожланганрок вилоятда худди шунака укитувчи 1200 сум ойлик олсин. Энг кам ойлик иш хаки хам ривожланган вилоятда Республика белгилаб берган даражадан ошикрок хам булиши мумкин булади.

Отклонено28.01.2017 17:32

Солиқлар қисми бўйича: Ўзбекистон Республикаси Бюджет кодексига асосан республика бюджети даромадларига юридик шахслардан олинадиган фойда солиғи, ягона солиқ тўлови, жисмоний шахслардан олинадиган даромад солиғи, қўшилган қиймат солиғи, акциз солиғи, ер қаъридан фойдаланганлик учун солиқ ва бошқалар киради.

Маҳаллий солиқлар ва бошқа мажбурий тўловларга ободонлаштириш ва ижтимоий инфратузилмани ривожлантириш солиғи, транспорт воситаларига бензин, дизель ёқилғиси ва газ ишлатганлик учун олинадиган солиқ, мол-мулк солиғи, ер солиғи, ягона ер солиғи ва бошқалар киради.

Бунда, белгиланган нормативларга мувофиқ умумдавлат солиқларининг, хусусан юридик шахслардан олинадиган фойда солиғи, ягона солиқ тўлови, жисмоний шахслардан олинадиган даромад солиғи, тадбиркорлик фаолиятининг айрим турлари бўйича қатъий белгиланган солиқ, қўшилган қиймат солиғи, акциз солиғи, ер қаъридан фойдаланганлик учун солиқ, сув ресурсларидан фойдаланганлик учун солиқнинг бир қисми маҳаллий бюджетларга ўтказилиши назарда тутилган.

Салиев Алишер Зафарович24.01.2017 14:14

худудларда тадбиркорлик фаолияти билан шугулланувчиларни барчасини соликка тортиши механизмини ишлаб чикиш керак, яъни уша кичик дуконлар, махалалларда савдо килувчи зонтик тагида пистафурушлар ва хоказо. Булар учун алохида солик тариф сеткаси ишлаб чикариш керак, оринмасдан солик тулашлари учун

Отклонено28.01.2017 17:44

Таклиф учун рахмат, бироқ солиқ тизими Ўзбекистон Республикасининг бутун ҳудудида барча солиқ тўловчиларга нисбатан ягонадир. Бунда, “Ўзбекистон Республикасининг 2017 йилги асосий макроиқтисодий кўрсаткичлари прогнози ва Давлат бюджети параметрлари тўғрисида”ги қарори билан барча турдаги тадбиркорлик фаолияти билан шуғулланувчи юридик ва жисмоний шахслар учун солиқ ставкалари белгиланган. Бундан ташқари, шаҳарларда ва бошқа аҳоли пунктларида жойлашган тадбиркорлик субъектлари учун пасайтирилган ставкалар белгиланган.

Атабеков Азизбек Рахматович27.01.2017 14:59

Бюджет ташкилотларининг самарадорлигини яна бир бор инвентаризациядан ўтказиш зарур. Баъзи бир бюджет ташкилотлари эски тузим билан ишлаб келмокда. Буларнинг ўрнига кичик лекин самарали ишларни ташкил этиш зарур. Оддийгина Фаргона Катталар стоматологияси биноси жуда катта ва хар йили уни саклаш учун бюджетдан бир канча маблағ ажратилади. Аслида хусусий стоматология клиникалари билан ракобатлаша оладиган ихчамрок лекин зарур техника ва воситалар билан жихозланган клиники ташкил этилса кифоя. Сон эмас сифат зарур!!

Принято28.01.2017 18:03

Бюджет ташкилотларининг самарадорлиги ва уларни инвентаризациядан ўтказиш, баъзи бир бюджет ташкилотлари эски тизим шароитида ишлаб келаётганлиги, шунингдек кичик ва самарали ташкилотларни ташкил этиш бўйича, ҳамда айрим медицина муассасаларини бюджет ҳисобидан сақлаш қанчалик ўринли эканлиги тўғрисидаги фикрингизга тўлиқ қўшиламиз. Мазкур ишлар бўйича чора-тадбирлар ишлаб чиқилмоқда.