3.2. Иқтисодиётнинг рақобатбардошлигини ошириш, унинг етакчи тармоқларини модернизация ва фаол диверсификация қилиш
| Т/р | 152 |
|---|---|
| Амалга ошириладиган тадбир | Иқтисодиёт тармоқлари учун самарали рақобат муҳитини яратиш ҳамда маҳсулотлар ва хизматлар бозорида босқичма-босқич монополияни қисқартириш. |
| Бажариш муддати | 2017 йил III чорак |
| Ижро учун масъуллар | Давлат рақобат қўмитаси, Молия вазирлиги, Иқтисодиёт вазирлиги, Адлия вазирлиги, Савдо-саноат палатаси |
| Сарф-харажатлар (млн. сўм) | - |
| Молиялаштириш манбалари | - |
| Тақдим этиладиган ҳужжат шакли, амалга ошириш механизми, кутилаётган натижа | Ўзбекистон Республикаси қонуни лойиҳаси. Бунда қуйидагилар акс этади: корхоналарнинг бирлашиши ва қўшиб олинишида монополияга қарши органнинг дастлабки розилигини олиш талабларини бирхиллаштириш; рақобатни чекловчи келишувлар, битимлар ва келишилган ҳаракатларга қарши кураш механизмларини такомиллаштириш; устун мавқега эга бўлган корхоналарнинг акция ва улушларини сотиб олишда тадбиркорлик субъектларининг ҳужжатларини кўриб чиқиш тартибини соддалаштириш; манфаатлар тўқнашувини бартараф этиш мақсадида шўъба корхона томонидан таъсисчининг устав фондидан улуш сотиб олишига ва шўъба корхона вакилларининг таъсисчи кузатувчилар кенгашида аъзолигига тақиқ қўйиш. |
Ўзбекистон Республикаси
Ягона интерактив давлат
Очиқ маълумотлар портали
Диққат! Агар сиз матнда хатоликларни аниқласангиз, уларни белгилаб, маъмуриятни хабардор қилиш учун Ctrl+Enter тугмаларини босинг
© 2015 - 2024
Ўзбекистон Республикаси норматив ҳуқуқий ҳужжатларнинг муҳокамаси
Изоҳлар ва уларга берилган жавоблар
шўъба корхона тушунчасини аниқлаштириш лозим. Шўъба корхонами (ФК 71-72-моддалар) ёки шўъба хўжалик жамиятларими (ФК 67-модда)?
"таъсисчи" атамаси ўрнига "муассис" атамасини ишлатиш лозим. Чунки қонунда муассис ишлатилган.
"улуш" сўзи фақат МЧЖ ва ҚМЖларга нисбатан ишлатилади. Акциядорлик жамиятларида эса "акция" сўзи ишлатилади. агар бу ерда АЖлар ҳам назарда тутилган бўлса унда улуш сўзи акция сўзи билан тўлдирилиши лозим.
Маълумот сифатида олинди.
Тадбир номини қуйидагича ўзгартиришни таклиф қиламан:
Иқтисодиёт тармоқлари учун самарали рақобат муҳитини яратиш ҳамда маҳсулотлар ва хизматлар бозорида босқичма-босқич давлат аралашуви, монополияси ва монопсониясини(пахтахом ашёси,ғалла ) қисқартириш.
Таклиф асосланмаган.