Ҳурматли муҳокама иштирокчилари!
"Ўзбекистон Республикасини янада ривожлантириш бўйича ҳаракатлар стратегияси тўғрисида" Ўзбекистон Республикаси Президентининг Фармони лойиҳаси муҳокамаси бўйича таклифларни қабул қилиш муддати жорий йилнинг 28 январь куни соат 18-00да якунланди.

1.1. Демократик ислоҳотларни чуқурлаштириш ва мамлакатни модернизация қилишда Олий Мажлис палаталари, сиёсий партияларнинг ролини янада кучайтириш

Т/р5
Амалга ошириладиган тадбирДавлатнинг ташқи сиёсатини амалга оширишда Олий Мажлис палаталарининг роли ва мавқеини ошириш.
Бажариш муддати2017 йил
III чорак
Ижро учун масъулларОлий Мажлис палаталари
(келишув асосида),
АҚҲМИ,
ТИВ, ТИАИСВ
Сарф-харажатлар (млн. сўм)-
Молиялаштириш манбалари-
Тақдим этиладиган ҳужжат шакли, амалга ошириш механизми, кутилаётган натижаЎзбекистон Республикаси қонуни лойиҳаси.
Бунда Олий Мажлис палаталарининг:
давлатнинг ташқи сиёсати амалга оширилиши, халқаро ҳуқуқ нормаларининг миллий қонунчиликка имплементация қилиниши устидан назорат ваколатлари мустаҳкамланади;
хорижий давлатлар парламентлари билан парламентлараро ҳамкорлик гуруҳлари ишини ташкил этишнинг ҳуқуқий механизми такомиллаштирилади;
Ўзбекистонннинг миллий манфаатларини рўёбга чиқариш учун парламент дипломатиясидан фойдаланиш имкониятлари кенгайтирилади.

Изоҳлар ва уларга берилган жавоблар

Bahodirov Bobur Bahodir o`gli27.01.2017 14:07

Ўзбекистон Республикасининг "Чет давлатлардаги дипломатия ваколатхоналари бошлиқларини тайинлаш ҳамда чақириб олиш тартиби тўғрисида" қонунини янги таҳрирда қабул қилиш лозим. Сабаби мазкур қонун Ўз,Респ. Конституциясининг 93-моддаси 6-банди ва 80-модда 8-бандига зиддир, яъни ҳозирда дипломатик ваколатхона раҳбарлари Президент тақдимига кўра Сенат томонидан тайинланади. Дастлаб қонун номланишини "Ҳорижий давлатлардаги дипломатик ваколатхоналар раҳбарларини тайинлаш ҳамда чақириб олиш тартиби тўғрисида" сифатида ўзгартириш лозим. Сўнгра дипломатик ваколатхоналар раҳбарлари тушунчасига таъриф бериш ва мазкур таърифда Ўзбекистоннинг халқаро ташкилотлар ҳузуридаги вакиллик институтлари раҳбарларини киритиш керак. Бундан ташқари қонунда дипломатик ваколатхона раҳбарларини тайинланиш ва чақириб олиш механизмини такомиллаштириш мақсадида Сенат номзодни рад этиш асослари, рад этилгандан сўнгги жараён, чақириб олиш учун Вена конвециясида кўрсатилмаган аммо долзарб бўлган асосларни киритиш лозим.

Рад этилди28.01.2017 15:42

Таклифингиз асослантирилмаган.